اعود واكمل حديثي فقد كنت متعب امس
المهم هنا واتتني الفرصة لااشرح للعم سالم كيف انتشرت الجريمة والبطالة فقلت له
ياعم سالم ان الدولة لم توفر وظائف للشباب مع ان هناك نقص في المعلمين وفي الاطباء والمهندسين و..و..الخ.
لكن سياسة الدولة هكذا وبالتالي الشباب لما ماحصلوا وظائف وهم محتاجين للمادة ماصار قدامهم إلا بيع المخدرات
او السرقة او السطو او ...او...
لاتقول لي فيه وظائف حارس امن ومدري ايش معقول شاب متخرج من الجامعة ومتخصص هندسه فيزيائية يشتغل حارس امن وبراتب 1200 يعني كل سنين دراسته وتعبه راحت كذا من غير فايدة.
الدولة غنية واكبر دولة تصدر بترول لكن المواطنين فيها فقراء لان آل سعود ياكلون كل اموال النفط وكل مداخيل الدولة
تدري ياعم سالم ان فيه امريكيين وبريطانيين يشتغلون هنا ورواتبهم اكثر من 30او40 الف في الشهر مع اننا مااحنا في حاجتهم وفيه شباب عندهم نفس تخصصهم ومستعدين يشتغلون برواتب اقل من كذا بكثير بس الدولة ماتبغى ياعم سالم....تدري ياعم سالم ان الملك والأمراء الواحد يروح فيهم يسافر للخارج ومعه طيارتين ثلاث وكلها واكثر من نصها فاضى ويروح يصرف هناك ملايين الريالات على حاجات تافهة والحاشية اللي معهم يصرفون بدون حساب لان ماهي من جيوبهم كل هذا من اموال البترول اللي المفروض تكون للشعب .
تدري ياعم سالم ان المفروض يكون لك دخل شهري من قيمة البترول والمفروض الدولة تأمن لك سكن مجاني
وعلاج مجاني احسن من اللي تشوفه ذحين ...تدري ياعم سالم انه من حق كل مواطن يعرف كم دخل الدولة من البترول وفين يروح هذا المال والمفروض لكل مواطن نصيبه من هذا المال.
تدري انه من حق تقول لا لاي شي مايعجبك سواء سواه وزير او امير او ملك ومو بس كذا المفروض نحاسبه على
كل شي يسويه لان الإسلام يقول كذا والخلفاء الراشدين رضي الله عنهم كانوا يحكمون الناس بهذه الطريقة
مو يقولوا آل سعود انهم مسلمين ويحكمون بشرع الله..؟ جاوبني العم سالم إلا ياولدي يقولوا كذا
قلت له طيب ليش يجيبون الكفار عندنا هنا ويتعاونوا معهم على اخواننا المسلمين في العراق ليش يسووا كذا
وبعدين المسلم مو المفروض يحب لنفسه مايحبه لأخيه المسلم .؟ جاوبني العم سالم إلا ياولدي مفروض وربنا ورسوله يقولوا كذا...قلت له حلوو ليش آل سعود لو مايحبوا لنا زي مايحبوا لنفسهم.
صدقني ياعم سالم آل سعود مايفكروا إلا في نفسهم وكيف يقعدوا على الكرسي هذا همهم الاكبر.
انت ماتدري انهم عملاء وعبيد للإنجليز والأمريكان..!! ماتدري ياعم سالم ان الانجليز هم اللي ساعدوا عبدالعزيز
عشان يوحد المملكة وثبتوا له حكمه في مقابل انه يوافق على احتلال اسرائيل لفلسطين ومو بس كذا وكمان
يعمي على عيون الناس هنا عشان لاتقول ليه ...ومو معقول عبدالعزيز وباربعين رجال بس يفتح الرياض ويسوي
كل هذا اللي سواه هذي كذبة من اكاذيب آل سعود.
يمكن تستغرب من كلامي ياعم سالم لكن هذي هي الحقيقة...جاوبني العم سالم وقال لالالا ياولدي هذا الكلام كبير وخطير...انت عارف بتقول ايه معقول حكامنا كذا.
قلت له لو تدري بالخافي ياعم سالم كان تتفل عليهم واحد واحد وان شاء الله اكمل لك بكره واجيب لك كتب
ووثائق وشواهد يمكن تقنعك بكلامي ....قال لي العم سالم طيب ياولدي انا انتظرك بكره لانك بصراحة شوقتني كثير.
تُـبــع
ليست هناك تعليقات:
إرسال تعليق